Канаш тăрăхĕнчи Çĕнĕ Шелттем ялĕнче «Чăваш Енĕн пылак ылтăнĕ» агротуризм йĕркеленĕ.
«Мелилотус» кооператива кунти ĕçсене тума «Ял туризмне аталантарасси» проектпа килĕшỹллĕн пĕлтĕр 10 миллион тенкĕ пани пулăшнă. Курма килекенсен йышĕ ỹссех пырать, 5000-е çитнĕ.
Паян комплекс промышленность утарне, продукцие тирпейлекен цехсене, пекарньăна, пăлансем усракан вольер хуçалăхне пĕрлештерет. Çавăн пекех кунта хĕлхен (иван-чай) чейне хатĕрлеççĕ.
