Кăçал та, ытти çулсенчи пекех, Елчĕкри тĕп библиотекăри ача-пăча уйрăмĕ ачасене кĕнекепе туслаштарас, кăсăклантарас тĕллевпе «Вулакан картиш» акци йĕркеленĕ.
Акцие вĕренекенсем те, çитĕннисем те хаваспах хутшăнаççĕ. В.Ишмуратова библиотекарь чи малтанах кĕнеке тусĕсене вулани еплерех усă кÿнине каласа парать. «Вулакан картиш» Елчĕкри чылай урама çитет, ачасене уçăлса çÿренĕ вăхăтрах интереслĕ хайлавсемпе паллашма май парать.
Сăн ÿкерчĕкре: В.Ишмуратова çамрăк вулакансемпе.
