2005 çулхи январĕн 31-мĕшĕнче çирĕплетнĕ Чăваш Республикин Министрсен Кабинечĕн йышăнăвĕпе килĕшÿллĕн тăван тавралăха тирпей-илем кĕртес тĕллевпе çулсерен йĕркелекен, тĕрлĕ номинаципе иртнĕ смотр-конкурс кăтартăвĕсене пĕтĕмлетнĕ.
Социаллă сферăри учрежденисем хушшинчи тупăшура Çĕрпÿ районĕнчи 7-мĕш номерлĕ ача сачĕ /«Солнечный город»/, чечек клумбисемпе кану кĕтесĕсем йĕркелессипе Вăрнарти «Август» сывлăхпа кану паркĕ, урамсене тирпей-илем кĕртессипе Çĕрпÿ хулинчи Первомайская урам, нумай хваттерлĕ çуртсен территорийĕсене симĕслентерессипе Шупашкар хулинчи Герцен урамĕнчи 4,6,8-мĕш çуртсем, уйрăм хушма хуçалăхпа пурăнакансем хушшинче Етĕрне хулинчи Прохоровсен хуçалăхĕ пĕрремĕш вырăнсене çĕнсе илнĕ.
Çапла майпа çĕнтерÿçĕсемпе призлă вырăн йышăннисене хавхалантарма республика бюджетĕнчен 407800 тенкĕ укçа уйăрнă.
