Çанталăк улшăннă вăхăтра çулсеренех ОРВИ тата грипп чирĕсем аптăратма пуçлаççĕ.
Çавăнпа та чирлес мар тесе аслисем те, ачасем те прививка тутараççĕ. Шурă халатлă ĕçченсем чи малтанах шкулсенче пулаççĕ. Аслă Пăла Тимешри врач амбулаторийĕнче ĕçлекенсем Кушкăри вăтам, Кивĕ Эйпеçри тĕп шкулсенче пулнă, педагогсемпе техперсонала, вĕренекенсене «Совигрипп» вакцинăпа прививка тунă. Медработниксем прививка тутарни чиртен сыхланма май пани пирки калаçу ирттернĕ.
