2019 çулхи кăрлачăн 1-мĕшĕнчен граждансен сад тата пахча ĕçĕ-хĕлĕпе çыхăннă саккунĕ вăя кĕрет.
Росреестрăн Чăваш Республикинчи управленийĕ раштавăн 21-мĕшĕнче çĕнĕлĕхсене уçăмлатма пресс-конференци йĕркеленĕ. Управлени ертÿçи Екатерина Карпеева, Раççейри пахчаçăсен канашĕн Чăваш Енри уйрăмĕн ĕç тăвакан директорĕ Екатерина Трушкова, РФ налук службин Чăваш Республикинчи управленийĕн представителĕсем куçман пурлăх правине çирĕплетес енĕпе пулакан улшăнусемпе, сад участокĕсенчи куçман пурлăх объекчĕсене налук хумалли çĕнĕ йĕркесемпе паллаштарнă, ытти ыйтăва сÿтсе явнă.
