Профилактика ĕçне пурнăçланă май преступленисенчен сыхланас тĕллевпе Росгвардин республикăри управленийĕ Шалти ĕçсен министерствипе пĕрле граждансенчен регистрацилемен хĕç-пăшал, çар припасĕсене, сирпĕтекен хатĕрсене йышăнать.
2019 çулта халăхран регистрацилемен хĕç-пăшал йышăнас тĕллевпе хăй тытăмлăх органĕсем вырăнти бюджетсенче пурĕ 450 пин тенкĕ ытла /Елчĕк районĕнче – 10 пин тенкĕ/ пăхса хăварнă. Хĕç-пăшала е сирпĕтекен хатĕрсене ШĔМĕн е Росгвардин вырăнти кирек хăш подразделенийĕнче те йышăнаççĕ. Енчен те хĕç-пăшал хуçисем хăйсем пыраймасан телефонпа шăнкăравласа пĕлтерме те юрать.
Кăçал хальхи вăхăт тĕлне районти полици пайне 2 çын 1 пăшал тата пăшалăн пĕр пайне пырса панă, вĕсене пурĕ 4 пин тенкĕ парса хавхалантарнă.
Г.ШАДРИКОВ.
