Чăваш автономи облаçĕн 100 çулхи юбилейĕн официаллă логотипне çирĕплетнĕ. Ăна Шупашкар ÿнер училищин преподавателĕсемпе студенчĕсем туса хатĕрленĕ.
Республика юбилейĕн логотипĕ фестивальсемпе конкурссен пичет продукцине, ялав конструкцийĕсене, сувенирсене илемлетĕ. Чăваш автономи облаçне туса хунăранпа 100 çул çитнине тата Республика кунне уявламалли лапамсене те пĕр стиле пăхăнса капăрлатма йышăннă. Çакна вырăнти хăй тытăмлăх органĕсенче уяв ирттернĕ чух та шута илмелле.
