6 тапхăрпа иртекен республикăн ишĕлесси патне çитнĕ пурăнмалли вырăнĕсенчен çĕнĕ çуртсене 2025 çулччен куçармалли программине хутшăнса пурăнмалли 287 вырăнтан 753 çынна çĕнĕ хваттерсене куçармалла. 2019-2020 çулсем валли çирĕплетнĕ программăпа килĕшÿллĕн нумай хваттерлĕ 10 çуртри пурăнмалли 67 вырăнти 181 çын ыйтăвне татса памалла. 2019 çулхи раштав уйăхĕн 31-мĕшĕ тĕлне муниципалитет пĕрлешĕвĕсем валли пурăнмалли 55 вырăн /пĕрремĕш тапхăрта илсе памалли хваттерсен 84 проценчĕ/ туянма килĕшÿсем çирĕплетнĕ.
Республикăри Строительство министерстви авариллĕ пурăнмалли çуртсен реестрне çирĕплетнĕ, унта 8 районпа хулари 25 çурта, Раççей Правительствин 2006 çулхи 47-мĕш йышăнăвĕпе килĕштерсе кĕртнĕ.
