Район, ял тăрăхĕсен пуçлăхĕсем тăхăр теçетке çула хыçа хăварнă е унран та ирттернĕ ĕç ветеранĕсене килĕсене пырса саламлани, РФ Президенчĕн салам çырăвне вуласа пани хăйне евĕрлĕ савăнăç кÿрет.
Ĕмĕрне тăван колхозра ĕçлесе тивĕçлĕ канăва тухнă, халĕ пĕччен пурăнакан Кивĕ Эйпеçри Александра Кожевникова та пысăк хисепе тивĕçнĕ. Ăна Аслă Пăла Тимеш ял тăрăхĕн пуçлăхĕ Георгий Зайцев сумлă юбилей ячĕпе саламланă. Ăшă сăмахсене илтсен Александра Поликарповна çăмăл мар ачалăха, колхозра çанă тавăрса вăй хунине аса илнĕ май савăнăç куççульне те пытарайман.
