Кăçал Республика кунĕсем Шупашкарта тата Хĕрлĕ Чутай районĕнче иртнине вулакан лайăх пĕлет.
Чăваш автономи облаçне йĕркеленĕренпе 100 çул çитнине халалласа ирттерекен уява асăннă тăрăхра анлăн уявлама палăртнă май калăпăшлă ĕçсем пурнăçлама планланă. Хальхи вăхăтра юсав ĕçĕсем Хĕрлĕ Чутай ялĕнчи Ленин, Завод урамĕсенче, шкул патĕнчен «Хастар» физкультурăпа сывлăх комплексĕ патне çитичченхи лаптăкра пыраççĕ. Çамрăксен урамĕнчи çула та йĕркене кĕртесшĕн. «Сăр» çул çинчен Ишекассине пăрăнмалли лаптăкра та рабочисем тăрăшаççĕ.
Хĕрлĕ Чутай тăрăхĕнче ĕçсем мĕнле пурнăçланнине ЧР транспортпа çул-йĕр хуçалăхĕн министрĕ Владимир Осипов тĕрĕсленĕ.
