Ыран – февралĕн 13-мĕшĕнче Елчĕкри Ырсамай çырми çывăхĕнче йĕлтĕрçĕсен «Раççей йĕлтĕр йĕрĕ» ăмăртăвĕ иртет. Вăл ирхине 10 сехетре пуçланать.
Ăна коронавирусран асăрханмалли йĕркесене çирĕп пăхăнса ирттерме палăртнă. Çакна шута илсе хальхинче кĕçĕн классенче вĕренекенсемпе 65 çултан аслăрах спортсменсене ăмăртăва хутшăнма ирĕк паман. Çакăн пирки ĕнер пулса иртнĕ районти оргкомитет ларăвĕнче пĕлтернĕ.
