Кăçалхи ака уйăхĕн 1-мĕшĕнчен пуçласа 2024 çулхи ака уйăхĕн 1-мĕшĕччен Чăваш Республикинче пурăшпа карăка тытма чарнă.
Чăваш Республикин çут çанталăк ресурсĕсен тата экологи министрĕн тивĕçĕсене пурнăçлакан Александр Воробьев палăртнă тăрăх, çакăн пек чару маларах та пулнă. Анчах çак чĕр чунпа кайăк йышне сăнанă май вĕсене тытма васкамалла марри куç кĕрет. Сăвăрсем пирки те çакнах каламалла.
3 çуллăх чару хыççăн карăксен йышĕ 670-тен 774 таран ÿсмелле, пурăшсем – 258-тан 262-е çитмелле.
