ВИЧ инфекцийĕ тата СПИД чирĕ пирки асăрхаттарас тата унăн çулне пÿлсе лартас тĕллевпе районти тĕп больницăри медицина сестрисем «Стоп/ВИЧ/СПИД» флешмоб ирттернĕ.
Ар çыхăнăвĕ урлă ерекен çак чир мĕн тери хăрушă пулни çинчен кашни çын пĕлсе тăма тивĕçлĕ. Мĕншĕн тесен тĕнчере çак чиртен асăрханмалли вакцина та, сипленмелли эмел те хальлĕхе çук.
Хăрушă чирпе тĕл пулма пултарнине ытти çынсене те аса илтерес тата асăрхаттарас тĕллевпе кирек кам та социаллă сетьсенчи хăйсен аккаунчĕсенче акци символикипе – /#СТОПВИЧСПИД/ хэштегпа усă курса сăн ÿкерчĕксем вырнаçтарни те усăллă пулма кирлĕ.
