Район çамрăкĕсем Раççей телевиденийĕнчи пĕрремĕш е ытти каналсенчи тĕрлĕ передачăсене хутшăнни кĕтменлĕх мар ĕнтĕ.
Аслă Шăхальти Викторпа Мария Кротовсен кĕçĕн хĕрĕ Лариса та пултарулăхĕпе, çивĕч тавра курăмĕпе аслисенчен кая юлмасть. Ăна республикăра Лариса Пасхина юрăç пек аван пĕлеççĕ. Юлашки вăхăтра час-часах сцена çине тухать вăл. Паян вара çаврăнăçуллă чăваш хĕрне телевизорпа пĕрремĕш канал кăтартакан «Поле чудес» передачăра курма май пур. Унта вăл Таисия хĕрĕпе хутшăннă.
