Январĕн 25-мĕшĕнче 12 сехетре Чăваш патшалăх филармонийĕнче Чăваш Ен Пуçлăхĕ Олег Николаев Чăваш Республикин Патшалăх Канашне çулсерен яракан Çырăвĕпе паллаштарĕ.
Унпа Чăваш Ен НТРК, «Раççей 24», «Чăваш наци радиовĕ» тата «Тăван радио» эфирĕсенче, «Вконтакте» социаллă сетьри «Олег НиколаевỸ Чувашия» сообществăра, «Телеграмри» Олег Николаев каналта паллашма пулать. Çырупа республикăра, ун тулашĕнче тата ют çĕршывра пурăнакансем паллашма пултарĕç, кашнийĕн QR-код урлă экран çинче Çырăва хаклама, сĕнỹсемпе тухма май пулĕ.
