Муниципалитет округĕн администрацийĕнче чрезвычайлă лару-тăруран асăрхаттарас, ăна сирсе ярас тата пушар хăрушсăрлăхĕпе тивĕçтерес тĕлĕшпе ĕçлекен округри комиссин ларăвĕ иртнĕ.
Ĕçлĕ тĕл пулăва муниципалитет округĕн пуçлăхĕ Леонард Левый ертсе пынă. Унăн ĕçне Чăваш Енри шырав-çăлав службин начальникĕ Николай Глухов хутшăннă.
Ларура муниципалитет округĕн мобилизаци хатĕрленĕвĕпе ятарлă программăсен пайĕн пуçлăхĕн ĕçĕсене пурнăçлакан Светлана Соколова 2022 çулта хăй ертсе пыракан тытăмри ĕç-хĕлпе тата кăçалхи тĕллевсемпе паллаштарнă. Пушар асăрхавĕн Елчĕк округĕнчи уйрăмĕн начальникĕ — патшалăх тĕп инспекторĕ Александр Сайкин иртнĕ çул округра пушарпа çыхăннă ыйтусене уçăмлатнă.
Инкек-синкек сиксе ан тухтăр тесен пĕтĕм субъектсен профилактика мероприятийĕсен витĕмлĕхне ỹстермелле — çакă комиссин тĕп пĕтĕмлетĕвĕ пулнă.
