наци проектне Раççей Президенчĕн Владимир Путинăн Указĕпе килĕшỹллĕн 2019-2024 çулсенче пурнăçлама палăртнă.
Проект сывлăх сыхлавĕн аталанăвĕн сакăр çул-йĕрне палăртнă: пирвайхи медицина пулăшăвĕ‚ чĕрепе юн тымарĕ тата онкологи чирĕсемпе чирлекенсене пулăшу‚ ачасене парăнакан медицина пулăшăвне аталантарасси‚ медицина специалисчĕсене хатĕрлесси‚ сывлăх сыхлав сферине цифрăласси‚ наци медицина центрĕсемпе медицина туризмне аталантарасси. Çавăн пекех тĕп тĕллевсен шутĕнче — 2024 çул тĕлне вăтам пурнăç тăршшĕне 78 çула çитересси.
— Сывлăх сыхлавĕн «Чĕрепе юн тымарĕсен чирĕсемпе кĕрешесси» наци проекчĕн шайĕнче 2023 çулта Елчĕкри тĕп больницăри пациентсем валли чĕрепе юн тымарĕсен чирĕсем çинчен калакан заявка çителĕклĕ йĕркеленĕ (пурĕ 1184455,91 тенкĕлĕх). Диспансеризаци вăхăтĕнче чĕрепе юн тымарĕсен чирĕсене тупса палăртасси хастар пырать. Асăннă чирсен малтанхи тапхăрне 2022 çулта 446 тĕслĕх тупса палăртнă, — пĕлтерет тĕп тухтăр çумĕ Галина Уфукова.
