«Демографи» наци проекчĕпе килĕшỹллĕн «Аспект» вĕрентỹ центрĕ Раççейри пенсионерсен союзĕн регионти уйрăмĕпе пĕрле тивĕçлĕ канури çынсене гаджетсемпе усă курма вĕрентет.
Асăннă программăна 50 çынна хутшăнтармалла. Çĕнĕ Шупашкарти халăха социаллă пулăшу паракан центра çỹрекенсем планшетпа тата смартфонсемпе усă курма хăнăхса çитнĕ ĕнтĕ. Халĕ кун йышши вĕренỹ Шупашкарти халăха социаллă пулăшу паракан центрта пырать.
