Чăваш Республикин Пуçлăхĕн Олег Николаевăн указĕпе килĕшỹллĕн республикăри нумай ачаллă амăшĕсен пĕр ушкăнне «Анне» мухтав паллипе наградăланă.
Ачисене тивĕçлĕ воспитани парса çитĕнтернисен йышĕнче Кавал ялĕнче пурăнакан Валентина Павлова та пур. Вăл 35 çула яхăн ялти почта çыхăну уйрăмĕнче почтальонкăра вăй хунă. Унăн ĕçне халĕ хĕрĕ — Светлана — малалла тăсать. Вăл — уйрăм начальникĕ.
Валентина Поликарповнăпа Василий Сергеевич 5 хĕрне пурнăç çулĕ çине кăларнă. 10 мăнукĕ те чун йăпатмăшĕ паян ватăсемшĕн.
