2024 çулта Çемье çулталăкне ирттерекен йĕркелỹ комитечĕ «Наци приоритечĕсем» АНО команди хатĕрленĕ çулталăкăн официаллă логотипне тата фирма стильне çирĕплетнĕ.
«Икĕ пайран тăракан чĕре ỹкерчĕкĕ икĕ шăпана кăтартать, вĕсем çынсем пурнăçа малалла тăсас, ăна ытти ăрусене парас тесе пĕрле пулма йышăну тăваççĕ. Дизайн-концепцире эпир пĕр-пĕринпе çыхăннă икĕ акăш сăнарĕпе усă куртăмăр, вĕсен кỹлеписем чĕрене пĕрлешеççĕ. Вĕсем çулсем витĕр тухнă юрату çирĕп те вăйлă пулнине пĕлтереççĕ», — тенĕ «Наци приоритечĕсем» АНО генеральнăй директорĕ, Çемье çулталăкĕн оргкомитечĕн пайташĕ София Малявина.
Логотипа сенкер тата шупка хĕрлĕ тĕссемпе пурнăçланă.
