Тăтăш калаçтараканскер, пăшăрхантараканскер: мошенниксемпе çыхăннă ыйту çапла пулса тăнă тахçанах.
Пĕтĕм массăллă информаци хатĕрĕ профилактика ĕçне çине тăрса пурнăçлать пулин те, «банк ĕçченĕсен», «ФХС сотрудникĕсен», «сотовăй телефон операторĕн»… капкăнне çакланакансем çав-çавах нумай..
Ан ман: кавычкăра илсе çырнă чăн специалистсем нихăçан та шăнкăравламаççĕ. Илемлĕ те сăпайлă, çав вăхăтрах хăратса калаçакансем — ăста артистсем тата психологсем. Санпа çыхăнăва тухиччен сăмахлу сценарине тĕплĕн хатĕрлесе хураççĕ. Кашнин хăйĕн тивĕçĕ вĕсен. Тĕп рольте вара сана е теприне кураççĕ.
Яланхиллех пурте пĕлекен пĕр паллă сĕнĕве парасшăн: ют номерпе шăнкăравлаканпа ан калаçăр! Кунтан лайăх хỹтлĕх çук!
Н.ГАВРИЛОВ.
