Кăçал Тутарстан Пуçлăхĕ çумĕнчи Патшалăх çурт-йĕр фончĕ социаллă ипотека программипе тунă çуртсенче 27 нумай ачаллă çемьене тỹлевсĕр хваттер пама палăртса хунă.
Хваттерсем пурăнма хатĕр, вĕсенче хăтлăх кĕртнĕ. Сантехника та, электроплита та, шыв тата электроэнерги счетчикĕсене те, пушар сигнализацийĕн датчикĕсене те — мĕн кирлине пĕтĕмпех вырнаçтарнă.
Каласа хăвармалла, Çемье çулталăкĕнче 28 нумай ачаллă çемьене тỹлевсĕр 48 хваттер панă.
Çавăн пекех 10 тата ытларах ачаллă ултă çемьене 16 вырăнлă «Атлант» автобус парнеленĕ.
