2025 çулăн малтанхи 8 уйăхĕнче Раççей турисчĕсем 123 миллион çул çỹрев тунă, вĕсенче 1,4 триллион тенкĕ тăкакланине ТАСС «Сбераналитика» тĕпчевĕ çине таянса пĕлтернĕ.
Тĕпчев кăтартăвĕсем тăрăх, туристсем ытларах Мускава (çул çỹревçĕсен 14,1 проценчĕ), Санкт-Петербурга (6,5 процент) тата Мускав облаçне (13,5 процент) суйласа илеççĕ. Тутарстан та (6-мĕш вырăнта) мĕн пур туристсен 2,5 процентне йышăнать. Ку тĕлĕшпе вунă регион шутне çавăн пекех Ленинград облаçĕ (4,3 процент), Краснодар крайĕ (6,4), Свердловск (2,2), Ростов (1,8), Владимир (1,9) тата Чулхула (1,7 процент) облаçĕсем кĕнĕ.
