Регионта патшалăхăн хăй тĕллĕн çỹрекен машинăсен юсавлăхне сăнаса тăракан инспекци яваплăхĕнчи техника нумайлансах пырать.
Пĕтĕмпе 28,4 пине яхăн единица. Кăçал кăна ял хуçалăх организацийĕсем 587 техника туяннă, çав шутра — 238 трактор, тырă пухса кĕртмелли 39 тата выльăх апачĕ хатĕрлемелли 8 комбайн. Юлашки çулсенче АПКри техникăпа çыхăннă энерги хăвачĕ палăрмаллах пысăкланнă. Халĕ Чăваш Енре кашни 100 гектар çĕр пуçне 168 лаша вăйĕ тивет. Техникăна вăхăтлăх управа лартмалли смотр-конкурсра пирĕн округри «Победа» ООО, Х(Ф)Х хушшинче — Патăрьел тăрăхĕнчи В.Кузнецов хуçалăхĕ палăрнă.
