Август уйăхне кĕтĕмĕр пулсан та, кунсем шăрăх тăраççĕ-ха. Çавăнпа та нумайăшĕ кулленех шыв хĕррине васкаççĕ. Шыва кĕнĕ чухне вара асăрхануллă пулмалла — инкек-синкек сиксе ан тухтăр. Çак йĕркесене асрах тытасчĕ:
— Ятарлă вырăнта анчах шыва кĕрĕр.
— Пĕлмен вырăнта шыва кĕме юрамасть.
— Ишме пĕлмесен шыва пилĕк таран анчах кĕрĕр.
— Палăртнă вырăнтан иртсе нихăçан та ан ишĕр.
— Причалта, пристаньре шыва ан кĕрĕр.
— Пăрахут, катер, баржа çывăхне ишсе ан пырăр.
— Вĕрсе хăпартнă матраспа, теттесемпе, автомобиль шинипе шыва ан кĕрĕр.
— Çынна нихăçан та шыва ан тĕкĕр — сивĕ шывра аптăраса ỹкме пултарать.
— Шывра ан иртĕхĕр, пĕр-пĕрне ураран ан туртăр.
— Пĕччен шыва ан кĕрĕр, ыттисене те пĕччен ан хăварăр.
— Ачасене хăйсем тĕллĕн шыв хĕррине ан ярăр.
— Апатланнă хыççăн 1,5-2 сехетрен кăна шыва кĕме юрать.
— Ỹсĕр чухне шыв хĕррине ан кайăр.
— Япăх çанталăкра шыва ан кĕрĕр.
