Республикăра «Питбайк-2026: контроль татат хăрушсăрлăх» акци старт илчĕ. Ăна Чăваш Республикин Вĕренỹ министерствипе Патшалăх автоинспекцийĕ ирттереççĕ. Тĕллев: çулсем çинче лăпкăлăх хуçалантăр, никам та инкеке ан лектĕр.
Питбайк, паллах, ачасемшĕн питĕ илĕртỹллĕ. Анчах та пурин те асра тытмалла: вăл çул çинче çỹремелли транспорт мар. Саккунпа килĕшỹллĕн, питбайк — хупă трассăсемпе мотокросс трекĕсенче çỹремелли спорт хатĕрĕ. Ял-хула урамĕсенче унпа ярăнсан сире административлă яваплăх кĕтет.
Çак тата ытти ыйтусене уçăмлатас, правилăсемпе паллаштарас тĕллевпе сентябрĕн 30-мĕшĕччен республикăри шкулсенче ачасемпе тата вĕсен ашшĕ-амăшĕпе ятарлă тĕл пулусем, калаçусем иртĕç. Специалистсем мототехникăпа хăрушлăхсăр мĕнле усă курмалли, авари патне илсе çитерекен юсавсăрлăхсем çинчен ăнлантарĕç, пурне те тĕп правилăсемпе паллаштаракан памяткăсемпе тивĕçтерĕç.
А.МАТРОСОВ, ГАИ начальникĕ.
