Июлĕн 9-15-мĕшĕсенче районти тĕп больницăра «Мана пурнăç парнеле!» акци иртет.
Унăн тĕп тĕллевĕ – аборт тăвакансен йышне чакарасси. Ăна çулсеренех Пертпа Феврония çветтуйсене аса илсе паллă тăвакан Çемье, юрату тата шанчăклăх кунĕ хыççăн йĕркелеççĕ.
Акци вăхăтĕнче хĕрарăмсен консультацийĕнче тĕрлĕ занятисем иртеççĕ, унта çамрăк ашшĕ-амăшне йыхравлаççĕ. Пулас ашшĕ-амăшне лекцисем интереслентереççех. Çавра сĕтел хушшинчи калаçăва акушер-гинекологсемсĕр пуçне психологпа юрист хутшăнаççĕ.
