Стерлитамак хулинче Атăлçи федераци округĕнче вĕренекенсем хушшинче халăх вăййисен Пĕтĕм Раççейри 6-мĕш фестивалĕ иртнĕ. Унта ирĕклĕ майпа кĕрешекен 200 ытла спортсмен тупăшнă.
Чăваш Енĕн пĕрлештернĕ командинчи Дмитрий Борисов /Елчĕк, тренерĕ – Георгий Адюков/, Константин Вишнев /Елчĕк/, Роман Иванов /Çĕнĕ Пăва/ хăйсен виçисенче ирĕклĕ майпа кĕрешсе пĕрремĕш, Денис Крысов /Елчĕк, тренерĕ – Сергей Александров/ иккĕмĕш, пиçиххипе Дмитрий иккĕмĕш, Константинпа Роман виççĕмĕш вырăнсене çĕнсе илнĕ.
Çамрăк кĕрешÿçĕсемпе Аслă Елчĕкре çуралса ÿснĕ Виталий Васильев тренер кÿршĕллĕ регионта Елчĕк ятне çÿле çĕклени пысăк чыс.
