2019 çулхи декабрĕн 12-мĕшĕнчен пуçласа кăçалхи январĕн 8-мĕшĕччен Шупашкарти туризм объекчĕсене 16 пин ытла çын килсе курнă.
Туроператорсем пĕлтернĕ тăрăх, туристсем хулари хăна çурчĕсенче 1-2 кун пурăннă. Пĕччен е иккĕн çÿрекенсен йышĕ уйрăмах нумайланнă. 16 кунра Чăваш Ене Мускав, Санкт-Петербург, Хусан, Чулхула, Киров, Пермь, Ярославль, Кострома, Владимир хулисенче пурăнакансем çитсе курнă. Туристсем ытларах «Амазони» парка килĕштернĕ, çавăн пекех Амăшĕн палăкĕпе Шупашкар Арбатне кăмăлланă. Хулари музейсенче те хăна нумай пулнă.
