Коронавирус чирĕ сарăлнă тапхăрта аптекăсенче ятарлă эмелсем çитменни чирлисене пысăк йывăрлăха кĕртсе ÿкерет.
Граждансен ирĕкĕсене хÿтĕлесе лару-тăрăва йĕркере тытас тĕллевпе район прокуратуринче «хĕрÿ лини» йĕркеленĕ. Енчен те халăх тивĕçлĕ медицина пулăшăвĕ е кирлĕ эмелсен списокне кĕртнĕ препаратсене тупса илеймест пулсан, тунтикунран пуçласа эрнекунччен 09-18 сехетсенче 2-50-05, 2-59-05 номерсемпе шăнкăравлама пултарать. Патшалăх пулăшăвĕсене, тивĕçлĕ социаллă тÿлевсене туллин тата вăхăтра илеймесен те çак номерсемпе шăнкăравлама ыйтатпăр.
