Мартăн 20-мĕшĕнче «Шупашкар-Арена» пăр керменĕнче Телейлĕ ачалăх çулталăкне уçĕç. Унта тĕрлĕ хулапа округра пурăнакан 4500 ача, педагогсемпе вĕрентỹ пайĕн ертỹçисем хутшăнĕç.
Вĕсем вĕренỹре, спортра, тĕпчевпе шырав ĕçĕсенче, тĕрлĕ конкурсра палăрнисем, ача-пăча юхăмĕсен хастарĕсем, ашшĕ-амăшĕн хỹттисĕр юлнă тата сусăр ачасем. Уявра 38 интерактивлă лапам ĕçлĕ — культурăпа кану мероприятийĕсем йĕркелĕç, ăсталăх сехечĕсемпе квестсем, вăйăсем ирттерĕç, паллă çынсемпе тата специалистсемпе тĕл пулĕç. Тĕссен курăнăвĕ, видеошоу, экран çинче чи пултаруллă ачасене кăтартни уява пуянлатĕ.
