Пăва хулинче ТР тава тивĕçлĕ тренерне С.А.Нафикова асăнса йĕлтĕрçĕсен районти черетлĕ ăмăртăвне ирттернĕ.
Елчĕк тата Аслă Елчĕк шкулĕсенче вĕренекенсем — Александр Головин (1-мĕш вырăн), Давид Головин, Софья Афанасьева (2-мĕш), Ульяна Обручкова (3-мĕш) унтан пурте медальсемпе таврăннă.
Пултаруллă йĕлтĕрçĕсем çитĕнỹсемпе лăпланса ларман, Шăмăршă округĕн 45-мĕш хĕллехи олимп вăййисенче каллех старта тухнă. Ултă округ спортсменĕсен хушшинче Александрпа Софья çĕнтерỹçĕ пулса тăнă, Ульяна хальхинче те бронза медаль хуçи.
