Сĕнтĕрвăррисем туристсене илĕртес тĕлĕшпе нумай ĕç пурнăçлаççĕ.
Вĕсем 2020 çулта Атăл хĕррине, 2024 çулта Патша тăвне хăтлăлатассипе çыхăннă проектсемпе мала тухнă. Кăçал 7468 çынлă хулара Ленин урамне 116,5 миллион тенкĕлĕх илемлетесшĕн. Туристсене илĕртекен вырăнта кану зонисем, арт-объектсем, ăстасен тĕрлĕ ярмăркки, пасар лапамĕ, машина лартмалли ятарлă вырăнсем тума палăртнă.
