Çирĕклĕ Шăхаль шкулĕнчи спорт тата кĕрешÿ залĕсене тĕпрен юсас ĕç вĕçленнĕ.
Ăна савăнăçлă лару-тăрура уçнă хыççăн кунта шкул ачисен хушшинче «Хаваслă старт» ятпа эстафета ăмăртăвĕ иртнĕ.
Сывă пурнăç йĕркине кăмăллакансене Çирĕклĕ Шăхаль ял тăрăхĕн пуçлăхĕ Леонид Кошкин, Елчĕк район Депутачĕсен пухăвĕн депутачĕ Александр Муллин саламланă, вĕренÿре тата спортра ăнăçусем суннă.
