патшалăх политикин тĕп тĕллевĕсенчен пĕри.
Елчĕкри халăха социаллă хÿтлĕх паракан пай 2019 çулхи январĕн 23-мĕшĕнче çемьесенче виççĕмĕш е ун хыççăнхи ача çуралсан /усрава илсен/ тивекен тÿлеве 87 çемьене 804 пин тенкĕ уйăрнă.
2018 çулта уйăхсерен паракан çак тÿлевпе 140 çемье усă курнă – вĕсене пурĕ 10922,25 пин тенкĕ тивĕçнĕ. Тÿлеве çемьери кашни çыннăн вăтам тупăшĕ республикăра палăртнă пĕр çынна пурăнма кирлĕ укçа-тенкĕн чи пĕчĕк виçинчен иртмесен параççĕ.
Асăннă пулăшупа усă куракан граждансен Елчĕкри халăха социаллă хÿтлĕх паракан пая килсе е Елчĕкри нумай функциллĕ центр урлă заявлени çырмалла, унпа пĕрле çын кам пулнине, ачасем çурални çинчен ĕнентерекен документсене, çемье членĕсен вăтам тупăшне, çемье йышне палăртакан справкăсем тăратмалла.
Н.НИКОЛАЕВА.
