Хăвна килĕшекен ĕç тупма пĕрре те çăмăл мар. Мĕн тумалла ку чухне; Чи малтанах хăв мĕнпе кăсăкланнине шута илмелле.
Шкул парти хушшинчех ачасене хăйсене килĕшекен профессие суйласа илме пулăшас тĕллевпе февралĕн 25-мĕшĕнчен пуçласа мартăн 22-мĕшĕччен «Мое профессиональное будущее» уйăхлăх иртет. Çак тапхăрта вĕренекенсене професси суйласа илме пулăшса мероприятисем йĕркелеççĕ. Шкулсенче тĕрлĕ професси çыннисемпе ĕçлĕ тĕл пулусем, конкурссем, калаçусем, экскурсисем ирттереççĕ, çавăн пекех вĕренÿ информаци порталĕсемпе паллаштараççĕ. Çаксем шкул ачине професси суйласа илнĕ чухне тĕрĕс утăм тума пулăшаççĕ.
