районти пенсионерсен. Шăпах хăйсен ĕçĕ-хĕлĕ пирки «Раççей пенсионерĕсен союзĕн» Елчĕкри уйрăмĕн ертÿçи Вера Васильева тĕп библиотекăра ирттернĕ ларăвĕнче чарăнса тăнă.
Вăл сакăр уйăхри итогсемпе паллаштарнă, умри задачăсене палăртнă. Пенсионерсем районти, республикăри конкурссене хастар хутшăннă май спортра та маххă паманнине пĕлтернĕ. И.Сунгатуллин компьютер ăсталăхĕпе Пĕтĕм Раççейри 10-мĕш чемпионатне хутшăнса иккĕмĕш вырăн çĕнсе илнĕ.
Ларура район администрацийĕн пуçлăхĕ Николай Миллин, ачасемпе çамрăксен спорт шкулĕн инструктор-методисчĕ Петр Смирнов, РФ Пенси фончĕн Елчĕк районĕнчи клиент службин ертÿçи Зинаида Яковлева, районти социаллă хÿтлĕх пайĕн начальникĕ Ирина Аникина тухса калаçнă, пенсионерсен ыйтăвĕсем çине хуравланă.
