Республикăра Раççей Федерацийĕн Прокуратурине туса хунăранпа 300 çул çитнине халалласа шкул ачисем хушшинче олимпиада иртнĕ.
Малтанхи тапхăрта регионти 500 ытла вĕренекен Раççей патшалăхĕн, прокуратурин историне уçса парас тĕлĕшпе тест витĕр тухнă. Кунта палăрнисем иккĕмĕш пайĕнче куçăмлă майпа «300 çул – саккунлăх хуралĕнче» эссе çырнă. Юлашки тапхăрĕнче ăслăлăх тĕрĕслевне 27-н кăна хутшăнма тивĕçнĕ. Пултаруллисен йышĕнче – Елчĕкри вăтам шкулта 10 «а» класра пĕлÿ пухакан Юлиана Иванова та. Рена Макарова педагогăн вĕренекенĕ олимпиадăн пĕтĕм тапхăрĕнче пысăк балл пухса призерсен йышне кĕнĕ.
