Вутăпа тивĕçтереççĕ

Республикăра тулли мар мобилизаци иртнĕ хыççăн ялсенче хăш-пĕр çемье арçын вăйĕсĕр юлнă. Вĕсенчен пĕр пайне вут-шанкă хатĕрлес ыйту шухăшлаттарма тытăннă. Çĕмĕрле тата Пăрачкав округĕсенче çакнашкал ыйтусемпе вырăнти чиновниксем патне пыракан сахал мар пулнă. ЧР Çут çанталăк ресурсĕсен министрĕ Эмир Бедертдинов пĕлтернĕ тăрăх, кун пек чухне мобилизациленнисемпе вĕсен çемйисене патшалăх пулăшни пĕлтерĕшлĕ. Ку ыйтăва татса пама Çĕмĕрле лесничестви хутшăннă. Вăрман хатĕрлессипе ĕçлекен предпринимательсем урлă вĕсем ентешĕсен çемйисене пулăшнă.