Чăваш Енре наци проекчĕсем анлăн пурнăçланаççĕ. Вĕсемпе çыхăннă ĕç-хĕл пирки массăллă информаци хатĕрĕсенче пĕлтерсех тăраççĕ.
ЧР цифра министрĕ Михаил Степанов палăртнă тăрăх, пĕлтĕр 1,5 пин ытла статья кун çути курнă. Кă- çалхи кăрлач уйăхĕнче республикăри тата округсенчи пичет кăларăмĕсенче 25 статья вырнаçтарнă. Наци телекуравĕ 17 сюжет кăларнă, 27 радиосюжет эфира тухнă. Наци проекчĕсене пурнăçа кĕртнипе çыхăннă информацие министерствăсемпе ведомствăсен, массăллă информаци хатĕрĕсен социаллă сечĕсенчи ушкăнĕсене вырнаçтараççĕ. Пресс-служба представителĕсене, журналистсене наци проекчĕсемпе килĕшỹллĕн хута каякан объектсемпе паллаштарма пресс-турсем йĕркелесси йăлана кĕнĕ.
Пĕлтĕр Чăваш Республики наци проекчĕсемпе çыхăннă ĕç-хĕле çутатас тĕлĕшпе Раççей регионĕсен хушшинче çиччĕмĕш вырăн йышăннă.
