Çул-йĕр хăрушсăрлăхĕн йĕркине пăснăшăн мотоблок водителĕсене явап тыттарĕç.
ЧР Патшалăх Канашĕ федераци саккунне улшăнусем кĕртме ыйтать. Хальччен мотоблок водителĕсем çуран çỹрекенсем пек шутланнă. Вĕсене йĕркене пăснăшăн явап тыттарма ирĕк пулман.
ЧР Шалти ĕçсен министерствинчен пĕлтернĕ тăрăх, çак транспортпа пулнă аварисен йышĕ çулленех ỹссе пырать. Çулталăк пуçланнăранпа республикăра пилĕк инкек пулнă. Вĕсенче икĕ çын вилнĕ тата 6 çын суранланнă.
