Регионти хоккей центрĕнче следж-хоккей енĕпе ăсталăх класĕ иртнĕ.
Занятие ятарлă çар операцине тата «Хамăрăннисен вăхăчĕ» регион программине хутшăнакан Максим Квасов ертсе пынă. Çамрăк вĕренекенсем — алă-ура енчен чăрмав тỹсекен ачасем. Следж-хоккей вĕсемшĕн усăллă вăйă. Вăл спортсменăн вăйне тата чăтăмлăхне çирĕплетет.
Аса илтеретпĕр: Максим çинчен «Елчĕк ен» хаçатра кăçал статья пичетленнĕччĕ. Вăл шкула кайиччен Çĕнĕ Пăвари кукашшĕпе кукамăшĕ патĕнче çитĕннĕ.
