Çĕршыври, çавăн пекех пирĕн округри шкулсенче те 2020 çултанпа 1-4-мĕш классенче вĕренекенсем валли «Раççей ăмăрткайăкĕсем» программа ĕçлет.
Унăн тĕп тĕллевĕ ачасенче Çĕршыв, Çемье, Команда, Сывлăх, Çут çанталăк тата Пĕлỹлĕх хаклăхсене аталантарасси пулса тăрать. Класс ертỹçисем ертсе пынипе вĕренекенсем кашни уйăхра «Орлята России» сайт урлă паракан мероприятисене хутшăнаççĕ. Ку тĕлĕшпе 7 направлени йĕркеленĕ: Ăмăрткайăк — Ертỹçĕ, Маçтăр, Эколог, Управçă, Эрудит, Доброволец, Спортсмен. Сăмах мĕн çинчен пыни тỹрех паллă.
Пĕчĕккисен аталанăвне витĕм кỹрекен питех те кирлĕ ĕç шкулсенчи советниксен тимлĕхĕнче тăрать.
