Округра выльăх-чĕрлĕх ĕрчетес ĕçе аталантарас ыйтупа канашлу иртнĕ. Унта Елчĕк, Патăрьел, Комсомольски тата Шăмăршă округĕсенчи ял хуçалăх предприятийĕсемпе хресчен (фермер) хуçалăхĕсен ертỹçисем, зоотехникĕсемпе ветеринарĕсем хутшăннă.
Кун йĕркинчи тĕп ыйтусем Елчĕк муниципалитет округĕнче тата пĕтĕм республикипе выльăх-чĕрлĕх ĕрчетес ĕç мĕнле пыни, малашлăх плансене сỹтсе явасси пулнă. Çавăн пекех Чăваш Енри эпизооти лару-тăрăвĕпе паллашассипе, выльăхсене маркировка тăвассипе тата шута илессипе çыхăннă ыйтусем те тимлĕхре пулнă.
