«Пурнăç инфратытăмĕ» наци проекчĕпе килĕшỹллĕн республикăра регион пĕлтерĕшлĕ автомобиль çулĕсене, тĕрев сетьне йĕркелекеннисене çĕнетес енĕпе пысăк ĕç пурнăçланă.
Çак сете 405 километр магистраль кĕрет. Çул-йĕр ĕçĕсен виçĕ çуллăха çирĕплетнĕ планĕпе Элĕк, Йĕпреç, Канаш, Пăрачкав, Çĕмĕрле, Шупашкар тата Тăвай округĕсенчи 15 лаптăка çĕнетнĕ, пĕтĕмпе — 60 километр ытла. Çав шутран 35 километрне кăçал хута янă. Çакă планпа палăртнă ĕçсен 95 проценчĕ.
