Çăмăл атлетика енĕпе Шупашкарта утă уйăхĕн 24-27-мĕшĕсенче Раççей чемпионачĕ иртет.
Халĕ хĕрсех хатĕрленÿ ĕçĕсем пыраççĕ. Спорт министрĕ Михаил Богаратов йĕркелÿ комитечĕн ларăвĕнче юбилейлă ăмăртăва 600 ытла спортсмен хутшăнассине пĕлтернĕ. Унта 140 спорт судйи /вĕсенчен 80-шĕ хамăрăннисем/ ĕçлĕ, 150 волонтера явăçтарĕç. Специалистсем валли виçĕ семинар йĕркелеме палăртнă. «Олимпийский» стадионта тĕрлĕ снаряд ывăтакансем валли тренировка ирттермелли уйрăм лапам тума пуçланă.
Ăмăртусене тÿрĕ эфирта «Матч ТВ» телеканалпа кăтартĕç.
