Апрелĕн 20-мĕшĕнче пулса иртнĕ Раççейри донор кунĕнче тĕп больницăра медсестрара вăй хуракан Венера Чернова волонтер пулса хăй ирĕкĕпе çак акцие хутшăнма кăмăл тунă. Çак кун вăл ятарласа Шупашкарти юн илекен станцие çитнĕ.
Хальхипе шутласан, Венера 14-мĕш хут юн панă. Çамрăка пархатарлă ĕçе хутшăнма мĕн хистенĕ?
— Процедура кабинетĕнче ĕçленĕ май çакна пит лайăх ăнланатăп: нумай чухне çыннăн пурнăçĕ донор юнĕ çинче тытăнса тăрать-çке. Çавăнпа çак утăма тума шутларăм, — тет вăл кăмăлтан.
