Шупашкарта йĕркеленĕ йывăр атлетсен ăмăртăвĕнче Елчĕксем яланхи пекех ăнăçлă кĕрешнĕ.
Уйрăмах Матвей Романовăн, Даниил Немцевăн, Денис Барткавичюсăн хĕпĕртемелли сăлтав пысăк: çитес эрнере Чулхула облаçĕнче иртекен Атăл çи федераци округĕн чемпионатне хутшăнĕç. Май уйăхĕнче вара вĕсемпе пĕрле Матвей Горшков Раççейри шкул ачисен спартакиадинче вăй виçĕ. Турнирта Даниил Немцевпа Александр Плотников 1-мĕш разрядçăсем пулса тăнине те палăртма кăмăллă.
