Республикăри онкологи диспансерне çĕнĕ йышши оборудовани илсе килнĕ.
Гистологи тĕпчевĕсен роботланă тытăмĕ шыççа морфологи диагностики ирттерме, мĕнле сиплемеллине уйрăммăн палăртма май парать. Онкологи диспансерĕн патологоанатоми уйрăмĕн ертỹçи Евгений Москвичев каланă тăрăх, çĕнĕ йышши аппаратура пулăшнипе гистологи тата иммуногистохими тĕпчевĕсене унчченхинчен 30 процент ытларах ирттерме май панă.
