Ыран Шупашкарти «Олимпийский» стадионта Спортăн хĕллехи тĕсĕн кунне ирттерĕç.
Вăл Раççейри çĕнĕ уявсенчен пĕри. Ăна пуçласа 2015 çулта паллă тунă, Раççейĕн пĕрлештернĕ команди Сочире 2014 çулта иртнĕ XXII Олимп тата XI Паралимп вăййисенче пысăк çитĕнÿ тунине халалланă.
Йĕркелÿçĕсем палăртнă тăрăх, кăçал спорт уявĕ пуян иртĕ. Уçă каток çинче конькипе чупакансем ăмăртĕç. Çавăн пекех кунта ăсталăх класĕсем йĕркелĕç тата паллă спортсменсемпе тĕл пулусем иртĕç. Спортăн ытти тĕрлĕ тĕсĕсемпе иртекен ăмăртусем те интереслĕ пулĕç.
